15 сакавіка 2023 на базе Беларускага дзяржаўнага ўніверсітэта адбылося выязное пасяджэнне Савета маладых навукоўцаў пры Міністэрстве адукацыі Рэспублікі Беларусь з удзелам Першага намесніка Міністра адукацыі Рэспублікі Беларусь Бахановіча Аляксандра Генадзьевіча.
Брэсцкі дзяржаўны тэхнічны ўніверсітэт прадставіла старшыня Савета маладых навукоўцаў БрДТУ Беламесава Крысціна Юр’еўна.
На пасяджэнні выбралі вучонага сакратара і намеснікаў старшыні Савета маладых навукоўцаў. Таксама, у адпаведнасці з парадкам мерапрыемства, абмеркаваны пытанні арганізацыі II Рэспубліканскага форуму маладых вучоных устаноў вышэйшай адукацыі і прэс-канферэнцыі Савета маладых вучоных пры Міністэрстве адукацыі Беларусі «Моладзь у навуцы: выклікі і перспектывы».
Маладыя навукоўцы наведалі вядучае праектна-канструктарскае прадпрыемства оптыка-электроннай прамысловасці Рэспублікі Беларусь ААТ «ПЕЛЕНГ» і навукова-даследчы інстытут ядзерных праблем. Дырэктар інстытута, доктар фізіка-матэматычных навук, прафесар Максіменка Сяргей Афанасьевіч распавёў аб асноўных напрамках работы інстытута, а таксама правёў экскурсію па лабараторыях.
