З 19 па 25 мая ў Брэсцкім дзяржаўным тэхнічным універсітэце адбыўся турнір Кубка рэктара па баскетболе сярод мужчынскіх каманд, прысвечаны Году міру і стварэння.
Па выніках турніру каманда БрДТУ заняла I месца і захавала за сабой права ўладальніка Кубка на бліжэйшы год, II месца заняла каманда Брэсцкага дзяржаўнага абласнога цэнтра маладзёжнай творчасці, на III месцы п’едэстала – каманда студэнтаў і слухачоў універсітэта з Кітайскай Народнай Рэспублікі. Павіншавала пераможцаў і ўручыла заслужаныя ўзнагароды гульцам прарэктар па выхаваўчай рабоце БрДТУ Наталля Пятроўна Ялавая.
У рамках урачыстай цырымоніі таксама адбылося ўзнагароджанне пераможцаў і прызёраў Дзяржаўнага фізкультурна-аздараўленчага комплексу Рэспублікі Беларусь. Бронзавыя значкі і пасведчанні да іх атрымалі Васілевіч Аляксандр, Лемяшэўскі Рыгор і Стасюк Антон. Залаты нагрудны значок і пасведчанне да яго за выкананне нарматываў, прадугледжаных Дзяржаўным фізкультурна-аздараўленчым комплексам Рэспублікі Беларусь, заслужана ўручаны студэнтцы будаўнічага факультэта Гурбіч Дар’і.
Ад усёй душы віншуем нашых спартсменаў і трэнерскі склад! Жадаем далейшых перамог і новых дасягненняў!
