У Брэсцкім дзяржаўным тэхнічным універсітэце адбылася сустрэча студэнтаў 3 курса эканамічнага факультэта з начальнікам аддзела інфармацыйна-растлумачальнай работы інспекцыі Міністэрства па падатках і зборах Маскоўскага раёна г.Брэста Інай Мікалаеўнай Лялюк па актуальных пытаннях падаткаабкладання.
Іна Мікалаеўна распавяла аб дзейнасці фіскальных органаў у Рэспубліцы Беларусь на сучасным этапе, адзначыўшы, што на сённяшні дзень праца праводзіцца ва ўмовах мінімальнага ўмяшання ў дзейнасць суб’ектаў гаспадарання і ажыццяўляецца з выкарыстаннем мер прафілактычнага і папераджальнага характару.
Асобным пытаннем стала праблема рэгістрацыі фіктыўных фірмаў на падстаўныя асобы. У апошні час да такіх маніпуляцый, якія праводзяцца для ўхілення ад падаткавікоў і ўтойвання выручкі, усё часцей прыцягваюцца студэнты. Калі навучэнец згаджаецца на ўдзел у такім «прадпрыемстве» ў якасці падстаўной асобы, ён павінен будзе несці адказнасць перад дзяржавай і законам.
Са свайго боку студэнты таксама задалі пытанні, якія цікавяць іх пытанні аб планаваных зменах у Падатковы кодэкс, аб падаткаабкладанні аперацый з крыптавалютамі.
Дэкан эканамічнага факультэта Вікторыя Васільеўна Зазерская падзякавала Іну Мікалаеўну за сустрэчу і магчымасць атрымання актуальнай інфармацыі аб падаткаабкладанні з першых вуснаў.
