Старшыня першаснай арганізацыі Беларускага саюза жанчын БрДТУ Дардзюк Юлія Сяргееўна прыняла ўдзел у 71-м пасяджэнні пастаянна дзеючага семінара пры Парламенцкім Сходзе Саюза Беларусі і Расіі па пытаннях будаўніцтва Саюзнай дзяржавы «Дзяржаўная сістэма падтрымкі сям’і ў Рэспубліцы Беларусь і Расійскай Федэрацыі: напрамкі і перспектывы развіцця».
У Доме Масквы ў г. Мінску ўдзельнікі семінара абмеркавалі пытанні рэалізацыі дзяржаўнай сямейнай палітыкі Беларусі і Расіі, умацавання інстытута сям’і, захавання духоўна-маральных традыцый, абмяняліся думкамі па прыярытэтных напрамках развіцця дзяржаўнай падтрымкі матэрыяльнага становішча сем’яў, забеспячэнні аховы здароўя сям’і ў Саюзнай дзяржаве.
– Сёння традыцыйныя сямейныя каштоўнасці маюць патрэбу ў абароне дзяржавы. У некаторых краінах ідзе працэс разбурэння інстытута сям’і, адбываецца падмена паняццяў – размываюцца асновы грамадства, – адзначыла старшыня Камісіі Парламенцкага сходу па працы, сацыяльнай палітыцы і ахове здароўя, сенатар Расійскай Федэрацыі – член Камітэта Савета Федэрацыі па міжнародных справах Алена Уладзіміраўна Афанасьева. – У Беларусі і Расіі інстытут шлюбу і сям’і замацаваны на заканадаўчым узроўні. Для кожнага чалавека незалежна ад узросту сям’я павінна стаць апорай, абаронай, ціхай гаванню. Цяпер рэалізуецца сумесная праграма Саюзнай дзяржавы. Разам з тым трэба шмат зрабіць для уніфікацыі падыходаў.
