25 ліпеня ў Брэсцкім дзяржаўным тэхнічным універсітэце завершаны прыём дакументаў на бюджэтную форму навучання, а таксама на бюджэтную і платную форму навучання на спецыяльнасці, для паступлення на якія неабходна здаваць уступныя выпрабаванні — «Архітэктура», «Архітэктурны дызайн» і спецыяльнасці завочнай формы навучання ў скарочаны тэрмін. Выключэнне – спецыяльнасць «Меліярацыя і водная гаспадарка», прыём дакументаў на якую працягваецца па 27 ліпеня ўключна.
У цэлым конкурс па ўніверсітэце склаў каля 2 чал/месца. Пры гэтым на асобныя спецыяльнасці гэты паказчык дасягнуў значэння 7 чал/месца. Варта адзначыць эфектыўнасць новаўвядзенняў уступнай кампаніі – 2023 у дачыненні да пераможцаў абласнога этапу рэспубліканскай алімпіяды па вучэбных прадметах, а таксама ўладальнікаў атэстатаў асаблівага ўзору з атрыманнем залатога (сярэбранага) медаля і дыпломаў з адзнакай. Таксама ўпершыню ў рамках новага фармату ўступнай кампаніі быў ажыццёўлены набор для навучання спецыялістаў на ўмовах мэтавай падрыхтоўкі. Дадзеная траекторыя не толькі знайшла водгук у абітурыентаў, але і дазволіла прадпрыемствам падабраць у свае шэрагі матываваных і падрыхтаваных абітурыентаў. У ліку 16 арганізацый – заказчыкаў кадраў у БрДТУ найбольш актыўнымі выступілі ААТ «Савушкін прадукт», СП «Санта Брэмар», РУП «Брэстаблгаз», Брэсцкая мытня.
Аб якасці падрыхтоўкі абітурыентаў БрДТУ ў гэтым годзе гавораць наступныя лічбы: 228 чалавек (што склала 31% ад колькасці пададзеных заяў на дзённую форму навучання) маюць бал вышэй за 300, у тым ліку 53 абітурыенты маюць дакумент аб адукацыі з адзнакай.
Кантрольныя лічбы прыёму ў БрДТУ па ўсіх формах навучання выкананы цалкам.
Абітурыенты, якія ўдзельнічаюць у конкурсе на паступленне па выніках цэнтралізаванага тэсціравання, будуць залічаны ў шэрагі студэнтаў Брэсцкага дзяржаўнага тэхнічнага ўніверсітэта 28 ліпеня 2023 года.
Абітурыентам, якія паступаюць на спецыяльнасці Архітэктура, Архітэктурны дызайн і спецыяльнасці завочнай скарочанай формы навучання з 27 ліпеня па 1 жніўня трэба будзе здаць уступныя іспыты. З раскладам экзаменаў і перадэкзаменацыйных кансультацый можна азнаёміцца па спасылцы: https://www.bstu.by/abiturientam/raspisanie-konsultatsij-vstupitelnykh-ispytanij-i-apellyatsij.
Залічэнне на першы курс па выніках уступных выпрабаванняў адбудзецца 4 жніўня.
Адкрытыя пасяджэнні прыёмнай камісіі па пытаннях залічэння на бюджэт адбудуцца ў аўд. 5/300 28 ліпеня і 4 жніўня ў 15:00.
Прыём дакументаў на платную форму навучання ажыццяўляецца па 9 жніўня ўключна. Выключэнне – спецыяльнасць «Меліярацыя і водная гаспадарка», прыём дакументаў на якую працягнецца па 10 жніўня.
Залічэнне на першы курс на платную форму навучання па ўсіх спецыяльнасцях адбудзецца 11 жніўня.
11 жніўня ў 16: 00 у аўд.5/300 адбудзецца адкрытае пасяджэнне прыёмнай камісіі па пытаннях залічэння на платную форму навучання на ўсе спецыяльнасці дзённай і завочнай формы.
Сачыць за абнаўленнямі можна на сайце https://www.bstu.by.
Прыёмная камісія Брэсцкага дзяржаўнага тэхнічнага ўніверсітэта працуе з 9:00 да 18:00 без перапынку на абед.
Дадатковыя пытанні можна задаць па тэлефоне +375 162 32 17 76 альбо ў нашых сацыяльных сетках.
