25 кастрычніка адбылася сустрэча рэктара Брэсцкага дзяржаўнага тэхнічнага ўніверсітэта Сяргея Антонавіча Каспяровіча са студэнтамі, фіналістамі конкурсу «Задай пытанне рэктару».
Конкурс праводзіўся сярод студэнтаў-першакурснікаў і іх бацькоў, падпісчыкаў афіцыйнага тэлеграм-канала БрДТУ.
Сяргей Антонавіч пазнаёміўся з рабятамі, пацікавіўся, перш за ўсё, умовамі навучання і пражывання ў інтэрнаце. Усе чацвёра фіналістаў-іншагароднія студэнты, таму пытанне арганізацыі занятасці ў пазаўрочны час досыць актуальны. Сустрэча праходзіла ў фармаце адкрытай гутаркі і акрамя адказаў на пытанні, зададзеныя ў рамках конкурсу, дзеці атрымалі карысныя парады датычна хобі і захапленняў, а таксама як правільна арганізаваць свой навучальны дзень, на якія жыццёвыя каштоўнасці варта арыентавацца ў наш інфармацыйна-насычаны час. Першакурснікі, у сваю чаргу, распавялі пра крытэрыі, якімі яны кіраваліся пры выбары ўніверсітэта і спецыяльнасці, на якую паступілі.
У завяршэнне сустрэчы Сяргей Антонавіч падзякаваў рабятам за актыўную жыццёвую пазіцыю і ўручыў фірмовыя прызы БрДТУ.
