23-27 кастрычніка на базе Рэспубліканскага інстытута вышэйшай школы прайшлі курсы павышэння кваліфікацыі па вучэбнай праграме: «Ідэалагічная і выхаваўчая работа ва ўстанове вышэйшай адукацыі: сучасныя выклікі і рашэнні» для намеснікаў дэканаў па выхаваўчай рабоце ўстаноў вышэйшай адукацыі нашай краіны. Брэсцкі дзяржаўны тэхнічны ўніверсітэт прадставілі намеснік дэкана будаўнічага факультэта Беламесава Крысціна Юр’еўна, намеснік дэкана машынабудаўнічага факультэта Баркоўская Марына Міхайлаўна і намеснік дэкана эканамічнага факультэта Станкевіч Дар’я Уладзіміраўна. У рамках курса былі разгледжаны ключавыя аспекты выхаваўчай работы ў сучасных умовах: інтэрактыўныя метады работы з моладдзю, рэалізацыя маладзёжных праектаў і ініцыятыў у кантэксце патрыятычнага выхавання, арганізацыйныя і прававыя аспекты прафілактыкі здзяйснення злачынстваў з выкарыстаннем Інтэрнэту, асаблівасці рэалізацыі маладзёжнай палітыкі ў Рэспубліцы Беларусь. Акрамя аўдыторных заняткаў слухачы наведалі рэспубліканскія валанцёрскі і моладзевы цэнтры, дзе пазнаёміліся з асноўнымі напрамкамі іх дзейнасці.
