17 лістапада 2023 года напярэдадні дня ўтварэння Брэсцкай мытні адбылася ўрачыстая цырымонія, якая аб’яднала звыш 70 прадстаўнікоў маладога пакалення, якія сабраліся з нагоды прысвячэння навучэнцаў Мытнага класа, уручэння заліковых кніжак студэнтам спецыяльнасці «Мытная справа» Брэсцкага дзяржаўнага тэхнічнага ўніверсітэта і пагонаў маладым супрацоўнікам Брэсцкай мытні, якія прыбылі на службу.
Сяргей Якута, начальнік Брэсцкай мытні, звяртаючыся да прысутных, адзначыў, што ўрачыстае мерапрыемства аб’яднала 3 пакаленні моладзі, звязанай у той ці іншай ступені з мытнай справай. На мерапрыемстве таксама прысутнічалі дэкан эканамічнага факультэта БрДТУ Вікторыя Васільеўна Зазерская, загадчыца кафедры бухгалтарскага ўліку, аналізу і аўдыту Наталля Васільеўна Патапава, а таксама кіруючы склад супрацоўнікаў Брэсцкай мытні.
Для 25 студэнтаў першага курса спецыяльнасці «Мытная справа» БрДТУ дзень быў таксама сімвалічны і тым, што адзін з галоўных дакументаў – заліковую кніжку – яны атрымалі ў Міжнародны дзень студэнта з рук начальніка Брэсцкай мытні Сяргея Якуты. «Сёння вы здабылі галоўны студэнцкі дакумент, які будзе адлюстроўваць ваша імкненне стаць высокакваліфікаваным спецыялістам у сферы мытнай справы», – адзначыў начальнік Брэсцкай мытні. Таксама знакам Брэсцкай мытні «За адзнаку» II ступені былі ўдастоены 4 студэнты эканамічнага факультэта спецыяльнасці «Мытная справа».
У заключэнні ўрачыстага мерапрыемства Сяргей Мікалаевіч павіншаваў усіх прысутных з Днём утварэння Брэсцкай мытні і пажадаў новых дасягненняў і здзяйсненняў на карысць агульнага дома – роднай Беларусі!
Для будучых мытнікаў супрацоўнікі правялі экскурсію па гістарычнай экспазіцыі ў будынку Брэсцкай мытні, якая 20 лістапада адзначыць 84 гадыз моманту ўтварэння: студэнты пазнаёміліся са спецыфікай працы і на свае вочы ўбачылі, у чым заключаецца праца спецыялістаў.
