18 лістапада ў Брэсцкім абласным ліцэі імя П.М. Машэрава адбылася прафарыентацыйная сустрэча рэктара Брэсцкага дзяржаўнага тэхнічнага ўніверсітэта Сяргея Антонавіча Каспяровіча з бацькамі навучэнцаў 11-х класаў. У працэсе правядзення мерапрыемства Сяргей Антонавіч расказаў аб напрамках работы ўніверсітэта ў цэлым, аб існуючых спецыяльнасцях, падкрэсліўшы перавагі кожнага факультэта, аб асаблівасцях правядзення прыёмнай кампаніі. Таксама былі агучаны навыкі і кампетэнцыі будучага спецыяліста па новай спецыяльнасці «Вытворчасць вырабаў на аснове трохмерных тэхналогій», першы набор на якую адбудзецца ў 2024 годзе. Акцэнт быў зроблены на такіх траекторыях паступлення ва ўніверсітэт, як мэтавая падрыхтоўка і ўдзел ва ўніверсітэцкіх алімпіядах па вучэбных прадметах. Навучэнцы Брэсцкага абласнога ліцэя ім. П. М. Машэрава з’яўляюцца пастаяннымі ўдзельнікамі розных прафарыентацыйных мерапрыемстваў, якія праводзяцца ў БрДТУ, у рамках пагаднення аб супрацоўніцтве паміж установамі адукацыі і штогод выбіраюць наш універсітэт для атрымання якаснай вышэйшай адукацыі.
