22 снежня 2023 падведзены вынікі XVII Міжнароднага студэнцкага навуковага форуму «Студэнцкая навуковая зіма ў Брэсце–2023».
Мерапрыемства аб’яднала больш за 100 студэнтаў і 16 універсітэтаў Беларусі, Расіі, Узбекістана і Кітая.
Новаўвядзеннем гэтага года стала праца секцыі «Мытная справа», у рамках якой былі прадстаўлены даклады каманд з Брэсцкага дзяржаўнага тэхнічнага ўніверсітэта, БДУ і ГрДУ ім. Янкі Купалы.
Праверкай практычных навыкаў студэнтаў стала алімпіяда па бухгалтарскаму ўліку «Бязмежжа ўліковай думкі–2023» ад прадстаўнікоў аўдытарскай кампаніі В1 Belarus. Пацвярджэннем шырокай геаграфіі форуму стаў онлайн ўдзел студэнтаў эканамічных спецыяльнасцяў з Хух-хотосского прафесійнага інстытута, Кітай. 2 даклады замежных студэнтаў былі ўдастоены дыпломаў II ступені.
Цікавасць ва ўдзельнікаў выклікаў конкурс ідэй і прапаноў «Што я магу зрабіць для ўстойлівага развіцця рэгіёна». Студэнты падзяліліся нестандартнымі ідэямі, варыянтамі іх увасаблення – ад праекта вырошчвання саду фундука ад каманды БДСГА да праекта «Падтрымка развіцця малога маладзёжнага прадпрымальніцтва» Ташкенцкага фінансавага інстытута і праекта стварэння мабільнага дадатку «Фінкоін» для паляпшэння фінансавай граматнасці дзяцей і падлеткаў ад каманды Віцебскага ўніверсітэта.
