7 красавіка 2023 года адбылося падпісанне пагаднення аб супрацоўніцтве паміж Брэсцкім дзяржаўным тэхнічным універсітэтам і адкрытым акцыянерным таварыствам «Цветатрон». У мэтах устанаўлення і развіцця прамога і ўзаемавыгаднага супрацоўніцтва ў галіне адукацыі, навукі і інавацыйнага патэнцыялу подпісы пад дакументам паставілі рэктар БрДТУ Сяргей Антонавіч Каспяровіч і выконваючы абавязкі дырэктара ААТ «Цветатрон»-намеснік дырэктара па камерцыйных пытаннях Васіль Валянцінавіч Калодзіч. Пагадненне вызначае прававыя і арганізацыйныя ўмовы стварэння і дзейнасці філіяла кафедры электронных вылічальных машын і сістэм БрДТУ на базе ААТ «Цветатрон». Мэтай стварэння філіяла кафедры стане забеспячэнне практыкаарыентаванай накіраванасці падрыхтоўкі інжынераў (бакалаўраў) і магістраў па спецыяльнасцях «Прамысловая электроніка», «Электронныя сістэмы і тэхналогіі», а таксама іншых спецыяльнасцяў факультэта электронна-інфармацыйных сістэм. Гэтая мэта рэалізуецца ў рамках і ў комплексе мер, накіраваных на забеспячэнне мікраэлектроннай галіны кваліфікаванымі кадрамі. Пагадненне прадугледжвае правядзенне вучэбных заняткаў, практыкі і іншых відаў вучэбнай работы, забеспячэнне ўзаемадзеяння з прафесійным асяроддзем, правядзенне маніторынгу патрабаванняў да прафесійных кампетэнцый спецыяліста, удасканаленне прафесійнага майстэрства прафесарска-выкладчыцкага складу, абмен вопытам практычнай і навуковай дзейнасці, уцягванне навучэнцаў, педагагічных і навуковых работнікаў універсітэта і арганізацыі ў сумесныя даследаванні і навуковую дзейнасць, правядзенне сумесных семінараў, канферэнцый, круглых сталоў, падрыхтоўка публікацый.
