11 мая 2023 года ў Брэсцкім дзяржаўным тэхнічным універсітэце адбыўся семінар-нарада «Мэтавы набор у рамках уступнай кампаніі – 2023» з заказчыкамі кадраў, якія падалі заяўкі на падрыхтоўку спецыялістаў на ўмовах мэтавай падрыхтоўкі.
Перад прысутнымі прадстаўнікамі прадпрыемстваў і арганізацый выступіў рэктар БрДТУ Сяргей Антонавіч Каспяровіч, адзначыўшы, што вышэйшая адукацыя ў нашай краіне накіравана на падрыхтоўку спецыялістаў, максімальна падрыхтаваных да вырашэння існуючых вытворчых праблем. Мэтавая падрыхтоўка – гэта як раз адзін з асноўных спосабаў адбору матываваных абітурыентаў пры вырашэнні кадравага пытання прадпрыемства. Сяргей Антонавіч звярнуў увагу прадстаўнікоў прадпрыемстваў, што на дадзенай стадыі менавіта будучы працадаўца адбірае для сябе неабходных спецыялістаў, а пасля гэтага ўжо абітурыент прыходзіць ва ўніверсітэт і здае ўступнае выпрабаванне. Таксама рэктар адзначыў, што мэтавая форма падрыхтоўкі спецыяліста дазваляе прадпрыемству падтрымліваць студэнта на працягу ўсяго тэрміну яго навучання — праз усе віды практык, магчымасць атрымання дадатковай стыпендыі пры паспяховым узроўні навучання і да т. п.
Пра асаблівасці мэтавага набору для заказчыкаў кадраў у рамках уступнай кампаніі 2023 года падрабязна распавёў адказны сакратар прыёмнай камісіі БрДТУ Андрэй Мікалаевіч Парфіевіч.
У рамках мерапрыемства была арганізавана агульная дыялогавая пляцоўка, на якой абмеркавалі асноўныя магчымыя праблемы ажыццяўлення мэтавага набору ў 2023 з боку прадпрыемстваў і намечаны напрамкі іх сумеснага вырашэння з БрДТУ.
У семінары-нарадзе прынялі ўдзел прадставілі ААТ «Савушкін прадукт», ААТ «Брэсцкі радыётэхнічны завод», ПТУП «Гефест-тэхніка», ААТ «ГСКБ», ААТ «Станкагомель», УП «Брэсцкая СПМК-9», ГУПП «Бярозаўская ЖКГ», ДУП «Праектны інстытут Брэстгіпразем», Брэсцкая мытня, РУП «Брэстаблгаз».
