XXI Фестываль праваслаўных духоўных песнапенняў «Спявайце Богу нашаму, спявайце!»

14 мая 2023 года ў горадзе Брэсце адбыўся XXI Фестываль праваслаўных духоўных песнапенняў «Спявайце Богу нашаму, спявайце!».
Фестываль праводзіцца штогод па благаславенню архіепіскапа Брэсцкага і Кобрынскага Іаана.
У фестывалі, які праходзіў на базе Абласнога грамадска-культурнага цэнтра, прынялі ўдзел 20 пеўчых калектываў, у выкананні якіх прагучалі духоўныя спевы, царкоўныя і народныя канты, а таксама творы ваеннай і патрыятычнай тэматыкі.
У ліку ўдзельнікаў на фестывалі выступіў народны акадэмічны хор «Белая вежа» Брэсцкага дзяржаўнага тэхнічнага ўніверсітэта, у складзе якога студэнты першага і другога курсаў, работнікі ўніверсітэта і выпускнікі.
Хор выканаў у сваёй праграме два духоўныя творы і тры творы ў фінале мерапрыемства.
Усе харавыя калектывы былі ўзнагароджаны дыпломамі ўдзельніка і прызамі арганізатараў фестывалю – Брэсцкай епархіі.