29 верасня 2023 года на на базе ПМК-19 горада Жабінка, УП «Брэстводбуд» адбылося ўрачыстае ўручэнне заліковых кніжак будучым меліяратарам, першакурснікам Брэсцкага дзяржаўнага тэхнічнага ўніверсітэта. Гэта мерапрыемства ўжо стала добрай традыцыяй на факультэце інжынерных сістэм і экалогіі.
У рамках мерапрыемства ганаровы меліяратар Рэспублікі Беларусь Пётр Уладзіміравіч Вайноўскі правёў экскурсію па гісторыка-экспазіцыйным комплексе развіцця меліярацыі зямель, размешчаным на тэрыторыі ПМК-19. Рабяты на свае вочы ўбачылі спецыялізаванае абсталяванне, якое ўжываецца пры ўзвядзенні меліярацыйных збудаванняў у розны перыяд часу. Пасля экскурсіі студэнтаў чакала вялікая музейная экспазіцыя, на якой прадстаўлены кнігі, фатаграфіі і інфармацыйныя стэнды, якія распавядаюць аб развіцці і сучаснай дзейнасці прадпрыемства ГА «Брэстмеліяводгас» і ўсіх яго падраздзяленняў.
У музеі ва ўрачыстай абстаноўцы адбылася цырымонія ўручэння заліковых кніжак першакурснікам. На ўручэнні выступілі з віншаваннямі і пажаданнямі выдатнай вучобы генеральны дырэктар ГА «Брэстмеліяводгас» Страпко Васіль Паўлавіч, ганаровыя меліяратары Рэспублікі Беларусь, ветэраны меліярацыйнай галіны – Вайноўскі Пётр Уладзіміравіч і Бялькевіч Анатоль Аляксандравіч, дэкан факультэта інжынерных сістэм і экалогіі Мешык Алег Паўлавіч, загадчык кафедры прыродаабладкавання Мароз Уладзімір Валянцінавіч. На ўрачыстым уручэнні заліковых кніжак прысутнічалі таксама дырэктар ПМК-19 — Вакулін-Хведарэц Іван Пятровіч і галоўны рэдактар газеты «Жывая вада» — Наварыч Валянціна Рыгораўна.
Пасля атрымання заліковых кніжак, рабяты вымавілі клятву меліяратара з абяцаннем вучыцца на выдатна, любіць сваю прафесію і ўносіць уклад у развіццё і росквіт сваёй краіны.
