У Брэсцкім дзяржаўным тэхнічным універсітэце адбылося ўрачыстае ўручэнне дыпломаў грамадзянам Кітайскай Народнай Рэспублікі, якія скончылі ў 2023 годзе магістратуру будаўнічага факультэта па спецыяльнасці «Будаўніцтва будынкаў і збудаванняў».
Дыпломы магістраў выпускнікам уручалі дэкан будаўнічага факультэта Інэса Паўлаўна Паўлава і загадчык кафедры тэхналогіі бетону і будаўнічых матэрыялаў Віктар Уладзіміравіч Тур.
Інэса Паўлаўна і Віктар Уладзіміравіч шчыра пажадалі выпускнікам поспехаў у прафесійнай дзейнасці, дасягненні кар’ерных вышынь, дабра, міру і шчаслівага жыццёвага шляху.
Кітайскія выпускнікі ў сваю чаргу выказалі падзяку ўсім выкладчыкам, куратарам і супрацоўнікам нашага ўніверсітэта.
