11 студзеня ў актавай зале Брэсцкага дзяржаўнага тэхнічнага ўніверсітэта адбыўся Калядны канцэрт Нядзельнай школы прыхода храма Ціхвінскай іконы Божай Маці ў г. Брэсце. Традыцыйнае мерапрыемства арганізавана ў рамках праграмы ўзаемадзеяння паміж універсітэтам і Брэсцкай епархіяй Беларускай Праваслаўнай Царквы.
У рамках канцэрта выхаванцы Нядзельнай школы прадставілі музычны спектакль «Калядная лялька». 94 юных артыста ва ўзросце 6 гадоў і старэй пад творчым кіраўніцтвам Юліі Канстанцінаўны Петрусевіч былі задзейнічаны ў мюзікле.
Упрыгожваннем свята стала выступленне народнага акадэмічнага хору «Белая Вежа» БрДТУ пад кіраўніцтвам Ірыны Васільеўны Ангалюк.
У завяршэнне святочнай сустрэчы да ўсіх прысутных звярнулася прарэктар па выхаваўчай рабоце БрДТУ Наталля Пятроўна Яловая, якая адзначыла незвычайныя творчыя здольнасці юных акцёраў і іх веру ў добрае, чыстае і светлае. Наталля Пятроўна павіншавала ўсіх прысутных з Раством Хрыстовым і ўручыла падарункі ўдзельнікам свята.
