У Брэсцкім дзяржаўным тэхнічным універсітэце адбылася адкрытая размова рэктара Сяргея Антонавіча Каспяровіча са студэнцкай моладдзю і работнікамі. Сустрэча прайшла ў пазітыўным ключы, парадак дня ўключаў пытанні як глабальнага, так і прыватнага зместу.
Свой выступ Сяргей Антонавіч пачаў з Адзінага дня галасавання, яго важнасці ў жыцці краіны і значнасці ўсвядомленага выбару кожнага з нас. Выбар – гэта адказнасць, учынак, які характарызуе асобу і ад якога залежыць не толькі будучыня, але і сучаснасць. Рэктар універсітэта давёў падрабязную інфармацыю аб парадку галасавання студэнтаў, у тым ліку якія пражываюць у інтэрнатах. Быў абмеркаваны шэраг пытанняў, якія тычацца датэрміновага галасавання, колькасці бюлетэняў, дадатковых умоў для галасавання і да т. п.
Сяргей Антонавіч адзначыў той факт, што маладыя людзі неабыякавыя да грамадскіх праблем і ён рады актыўнаму ўдзелу моладзі ў выбарчым працэсе. Моладзь імкнецца змяніць свет да лепшага, унесці ўклад у развіццё грамадства і дзяржавы. Рэктар заклікаў навучэнцаў зрабіць усвядомлены выбар, бо ад гэтага залежыць будучыня не толькі краіны, але і іх саміх.
Другая частка сустрэчы была прысвечана дзейнасці і пытанням развіцця ўніверсітэта. Сяргей Антонавіч прадставіў студэнтам дарожную карту, якая ўключала стратэгічны план развіцця ўніверсітэта, працу з адоранай і таленавітай моладдзю, магчымасці развіцця прафесійных кампетэнцый і павышэння прэстыжу кваліфікаваных кадраў. Падчас гутаркі абмяркоўваліся шматлікія пытанні, якія закранаюць сацыяльнае, грамадскае жыццё, кіраванне ўніверсітэтам, побыт, пражыванне ў інтэрнатах і інш. Рабяты цікавіліся і асабістымі арыенцірамі рэктара. Дзяліліся сваімі прапановамі і ініцыятывамі.
Рэктар матываваў маладых людзей на актыўны ўдзел у абмеркаванні, паколькі зносіны здольны спарадзіць новыя пытанні і новыя веды. Варта адзначыць, што падобныя сустрэчы спрыяюць безбар’ерным зносінам моладзі і кіраўніцтва БрДТУ.
