Напярэдадні заканчэння вясновага семестра ў Брэсцкім дзяржаўным тэхнічным універсітэце адбылася традыцыйная сустрэча прадстаўнікоў праваахоўных органаў з замежнымі студэнтамі, якія вучацца ў БрДТУ.
На адкрыцці мерапрыемства выступіла прарэктар па выхаваўчай рабоце ўніверсітэта Наталля Пятроўна Ялавая. У сваім выступленні яна падзякавала замежным студэнтам за выбар універсітэта ў якасці месца для атрымання якаснай адукацыі, расказала пра новыя магчымасці, якія БрДТУ прадстаўляе для замежных грамадзян.
Намеснік начальніка ўпраўлення па грамадзянстве і міграцыі УУС Брэсцкага аблвыканкама Вадзім Васільевіч Ровенскі расказаў замежным студэнтам аб змяненнях у Законе Рэспублікі Беларусь «Аб знешняй працоўнай міграцыі», якія ўступяць у дзеянне з 1 ліпеня 2023 года. Новая рэдакцыя закона дае асобам, якія атрымліваюць адукацыю ва ўніверсітэце, магчымасці для легальнага працаўладкавання ў нашай краіне.
Начальнік аддзялення па грамадзянстве і міграцыі УУС адміністрацыі Маскоўскага раёна г. Брэста Дзмітрый Тадэвушавіч Лыганоўскі нагадаў студэнтам правілы знаходжання замежных грамадзян у Рэспубліцы Беларусь, звярнуў увагу на неабходнасць своечасовай рэгістрацыі ў аддзяленнях па грамадзянстве і міграцыі.
Афіцэр упраўлення аператыўна-вышуковай дзейнасці Дзяржаўнага пагранічнага камітэта Рэспублікі Беларусь Яўген Аляксандравіч Мушта растлумачыў хлопцам асаблівасці заканадаўства Рэспублікі Беларусь аб Дзяржаўнай граніцы, аб неабходнасці ўважлівага стаўлення да рэжыму пагранічнай зоны.
Упершыню падобная сустрэча праходзіла з удзелам сродкаў масавай інфармацыі. Рэктар універсітэта Сяргей Антонавіч Каспяровіч у сваім інтэрв’ю журналістам адзначыў тое, што зараз ва ўніверсітэце навучаецца больш за 200 замежных студэнтаў з краін Азіі, Афрыкі, Лацінскай Амерыкі. БрДТУ дае замежным грамадзянам не толькі магчымасць атрымання якаснай вышэйшай адукацыі, але і забяспечвае дастойныя ўмовы пражывання і арганізацыі вольнага часу. У гэтым прадстаўнікі СМІ змаглі пераканацца асабіста падчас наведвання студэнцкага гарадка БрДТУ.
На заканчэнне сустрэчы начальнік міжнароднага аддзела БрДТУ Віталь Анатольевіч Халецкі падзякаваў прадстаўнікам праваахоўных органаў за прадстаўленую інфармацыю і адзначыў эфектыўнасць такіх мерапрыемстваў для прафілактыкі правапарушэнняў сярод замежных грамадзян.
